Fakyou نسيت أقول لأيامي على هامان يافرعون

[ندعوك للتسجيل في المنتدى أو التعريف بنفسك لمعاينة هذه الصورة]

أفآ تبكي !
و .. أنآ رُغم التعب ,
أوقف و أهز القآع من تحتي !

أفآ تبكي !
و .. أنا رُغم الألم ,
أسكت و أشوف الصمت بـِيْ يحكي !

[ندعوك للتسجيل في المنتدى أو التعريف بنفسك لمعاينة هذه الصورة]

أفـا .. قل غيرها ياليل .. متى مات السهر مغبون
متى روّح مسا البارح وجا باكر وأنا واعي

حلفت أرقص النرجس على لحن الندى المجنون
حلفت أطبّع القمرى على كيفي وبأطباعي

جنوني سري الشايع وعقلي جرحي المدفون
ذكرتك أو تناسيتك سوى دامك من أتباعي

بدايه مالها معنى , نهايه مالها مضمون
تعبت أشقلب الدنيا وأعدل فيني أوضاعي

نسيت أقول لأيامي (على هامان يافرعون)
نسيت أوقف الغربه وأدورها على أصباعي

هلابك دامني مثلك .. كسير وميّت ومطعون
تعال اسكن معي صمتي ولا تنشد عن أوجاعي

تعبت أقول أنا أعمى وغيري له ثمان عيون
كفا لا تنبش بجرح ٍ يقرّب لوية ذراعي

حبيبي والشقا حاصل ولا تسأل شقا وشلون
عذاب إن عشت في قربك وموتي فلـّة شراعي

نعم قد قلتلك بأبقا معك واللي يكون يكون
وشفني قدها ماقلت لك يابعد مرباعي

نبت مثل الشجر جرحي.. غدا كلي ورق وغصون
عرفت إنه سخيف اللي يحاول ياصل إقناعي

أجل وشلون أبنسى الجرح وفهد عافت يعيش بدون
حرام الوقت يكتبنا قصايد مالهاداعي

وأنا يوم الشليل اللي جمعنا علقته سنون
كتبتك حلم لا جاني دريت إني معك واعي

[ندعوك للتسجيل في المنتدى أو التعريف بنفسك لمعاينة هذه الصورة]

أفآ تبكي !
و .. أنا رُغم الألم ,
أسكت و أشوف الصمت بـِيْ يحكي !

أفآ تبكي !
و .. أنآ رُغم القهـر ,
أنسى و أدفن حزني و .. أمشي !

» وددت ان أقول لك في النهاية ....أنا أحبك